Një kast yjesh për të risjellë në ekranin e madh një histori tragjike dashurie në Nju Jorkun e viteve 20. Kështu romani “The Great Gatsby”, shkruar nga F. Scott Fitzgerald në vitin 1925, vjen me një përshtatje të re kinematografike 3D që sapo ka tronditur arkëtimet amerikane duke kaluar të gjitha parashikimet e bëra, me plot 51 milionë dollarë gjatë fundjavës së parë të projeksioneve. Filmi I drejtuar nga vizionari Baz Luhrman, regjisori i “Moulin Rouge” dhe “Romeo e Zhuljeta” dhe që mban mban të njëjtin titull me romanin fillon projeksionet shqiptare më 17 maj në kinema Millennium, vetëm dy ditë pas projeksionit përurues në edicionin e 66-të të Festivalit të Filmit në Kanë dhe një javë pas premierës amerikane.

Protagonistë të filmit janë aktorët Leonardo Di Caprio,  Carrey Mulligan,  Tobey Maguire, Joel Edgerton, të gjithë për të treguar historinë e shkrimtarit të ri, Nick Carraway (Tobey Maguire) që sapo është zhvendosur në Nju Jorkun e viteve 20, të dominuar nga muzika xhaz dhe morali I dyfishtë. Duke ndjekur ëndrrën e tij të madhe, Nick hyn në kontakt me botën e milionerit Jay Gatsby (Leonardo Di Caprio), dikur i dashuri i kushërirës së tij Daisy (Carey Mulligan), e cila u martua me fisnikun Tom Buchanan (Joel Edgerton). Kështu Nick, pasi hyn në botën joshëse të supermilionerëve,  bëhet dëshmitar I një realiteti të mbushur me luftë, iluzione, dashuri, mashtrime dhe tradhëti. Por ajo që spikat në këtë histori është një histori tragjike dhe e pamundur dashurie.

Filmi pritet të jetë një hit, të paktën sipas parashikimeve të medias së huaj e cila vë theksin tek interpretimi, qasja modern, kostumografia dhe skenografia mjaft e goditur e filmit. Xhirimet e filmit janë kryer në Australi gjatë verës dhe vjeshtës së vitit 2011, në Blue Mountains  dhe në Sydney.

Ndërsa për rolin e milionerit Di Caprio ishte I vendosur që ta luante për shkak të admirimit të tij ndaj këtij personazhi, për rolet e tjera ka pasur mjaft pretendentë mes aktorëve. Kështu për rolin e Deizit janë marrë në konsideratë Amanda Seyfried, Rebecca Hall, Rachel McAdams, Keira Knightley, Blake Lively, Abbie Cornish, Michelle Williams, Natalie Portman, Eva Green, Anne Hathaway, Olivia Wilde, Jessica Alba e Scarlett Johansson, por në fund këtë garë e fitoi Carey Mulligan.

Pë rolin e Tom Buchanan ishte menduar për aktorët Bradley Cooper e Luke Evans para se të zgjidhej aktori Joel Edgerton.

Një tjetër komponent i rëndësishëm I filmit është edhe muzika. Kolona zanore e filmit është lancuar më 7 maj 2013 ndërsa disa pjesëza të saj janë transmetuar që nga 16 prilli. Albumi është prodhuar nga  reperi Jay-Z  dhe përfshin këngëtarë si Beyoncè, will.i.am, Lana Del Rey, “Florence and The Machine”, Emeli Sandé, dhe Jay-Z.

Titulli: “The Great Gatsby”

Regjia: Baz Luhrmann

Skenari:  Baz Luhrmann, Craig Pearce

Aktorë: Leonardo DiCaprio, Carey Mulligan, Joel Edgerton, Tobey Maguire

Gjinia: Dramë, Romancë

Kohëzgjatja: 144 minuta

Sinopsi:  Nick Carraëay është zhvendosur në Nju Jorkun e viteve 20, të dominuar nga muzika xhaz dhe morali I dyfishtë. Duke ndjekur ëndrrën e tij të madhe, ai hyn në kontakt me botën e milionerit Jay Gatsby, dikur i dashuri i kushërirës së tij Daisy, e cila u martua me fisnikun Tom Buchanan. Kështu Nick, pasi hyn në botën joshëse të supermilionerëve,  bëhet dëshmitar I një realiteti të mbushur me luftë, iluzione, dashuri, mashtrime dhe tradhëti.

Michael Bay, regjisori i filmave “Transformers” dhe”The island” provon komedinë e zezë me një ngjarje të pazakontë, por të vërtetë sic është ajo e  ”Sun Gym Gang” të Majamit.Bëhet fjalë për komedinë “Pain and Gain”që fillon projeksionet shqiptare më 10 maj në kinema Millennium.

Në botën e steroideve protagonistët të interpretuar nga Mark Wahlberg e Dwayne Johnson (“Fast  & Furious 5” e “Fast & Furious 6”), do të përfshihen në një rrëmbim personi që përfundon me të vërtetë keq.

Dwayne Johnson është shprehur se filmi ka shumë nga stili”Michael Bay”…”Eshtë një regjisor i madh, shumë i zgjuar dhe është i aftë të fusë shpirtin e tij edhe në projektet më të vogla se filmat që ka bërë më parë”- thotë Johnson. Në fakt vetë regjisori është shprehur se ka shtyrë disa herë këtë projekt për shkak të impenjimit të tij në filmat Transformers, por gjithsesi dëshira për të drejtuar një film jo fort të kushtueshëm e ka rikthyer sërish tek “Pain and Gain”. I gjithe buxheti I filmit shkon pak më shumë se 20 milionë dollarë dhe thuhet se dy aktorët protagonistë kanë pranuar një pagë më të ulët se zakonisht vetëm e vetëm për të mbajtur sa më të ulët buxhetin. Por kjo nuk ishte e vetmja sakrificë e dy aktorëve. Për realizuar personazhet e tyre bodybuilding, Ëhalberg dhe Johnson kanë shtuar në peshë I pari 220 pound dhe tjetri 300 pound.

Ndërsa duke iu referuar personazhit të tij Dwayne Johnson ka thënë:”Jam zbavitur shumë duke interpretuar këtë personazh sepse cdo ditë pas xhirimeve, kur kthehesha në shtëpi në orën 3 të mëngjesit ose në orën 6 të mbrëmjes mendoja: “O Zot, kjo gjë ka ndodhur me të vërtetë!”.

Dhe në fakt i gjithë skenari i filmit është bazuar mbi një histori të vërtetë të shkruar në disa artikuj me autor Pete Collins dhe më pas të përshtatur për skenar nga  Christopher Markus e Stephen McFeely. Është historia e pabesueshme e tre personal trainer që në vitin 1990 në Majami, ndërsa ishin në kërkim të ëndrrës së tyre amerikane përfshihen në një rrjet kriminal, duke rrëmbyer dhe vrarë disa persona.

Përvec dy protagonistëve kasti i aktorëve përfshin edhe të njohurit Ed Harris, Tony Shalhoub, Rob Corddry e Bar Paly.

Titulli: “Pain and Gain”

Regjia: Michael Bay

Skenari: Christopher Markus, Stephen McFeely

Aktorë: Mark Wahlberg, Dwayne Johnson, Ed Harris, Tony Shalhoub, Rob Corddry e Bar Paly

Gjinia: Aksion , Komedi, Krim

Kohëzgjatja: 130 minuta

Sinopsi: Bazuar në historinë e vërtetë të tre trajnerëve bodybuilding në Florida,  të cilët duke ndjekur ëndrrën amerikane, ngatërrohen rastësisht në një rrjet kriminal . Dhe gjërat shkojnë akoma më keq.